RFA မြန်မာဌာနအတွက် အလုပ်ခေါ်ယူခြင်း

2019-04-17
အီးမေးလ်
မှတ်ချက်ပေးပါ
Share
ပုံနှိပ်ပါ

အကြီးတန်းအယ်ဒီတာ

လွတ်လပ်သောအာရှအသံ (Radio Free Asia) မြန်မာဌာနအတွက် မာလ်တီမီဒီယာ နယ်ပယ်အသီးသီးတွင် သတင်းနှင့် သတင်းအချက်အလက် အစီအစဉ်များကို မြန်မာဘာသာဖြင့် ထုတ်လုပ်ရာတွင်လည်းကောင်း၊ သတင်းဌာနဝန်ထမ်းများအား စီမံခန့်ခွဲရာတွင်လည်းကောင်း ဌာနမှူးအား ထောက်ပံ့ကူညီရန်အတွက် အကြီးတန်းအယ်ဒီတာ တစ်ဦး အလိုရှိပါသည်။ ဤရာထူးမှာ ဝါရှင်တန်ဒီစီရှိ RFA ရုံးချုပ်အတွက် ဖြစ်ပါသည်။

 

လုပ်ငန်းတာဝန်များ

  • သတင်းနှင့် သတင်းဆောင်းပါးများ ရေးသားရန် ဝန်ထမ်းများကို တာဝန်ပေးခြင်းနှင့် လမ်းညွှန်ခြင်း။
  • ဝန်ထမ်းများ၏ရေးသားချက်များ ရှင်းလင်းတိကျမှု ရှိမရှိ၊ သဒ္ဒါမှန်မမှန် တည်းဖြတ်ခြင်း၊ သတင်းဗီဒီယို၊ ဓာတ်ပုံနှင့်အသံတို့ကို အရည်အသွေး စစ်ဆေးခြင်း။
  • တည်းဖြတ်မှုဆိုင်ရာ အကဲဖြတ်သုံးသပ်ချက်၊ အဆင့်အတန်းမီ မာလ်တီမီဒီယာထုတ်လုပ်မှု လမ်းညွှန်ချက်များ အရ သတင်းများကို ရွေးချယ်ပြီး စိတ်ဝင်စားစရာ သတင်းပေးပို့ချက်များ အစီအစဉ်များကို ထုတ်လုပ်ခြင်း။
  • သတင်းနှင့်သတင်းဆောင်းပါးများကို အချိန်တိုအတွင်း ဘာသာပြန်ဆိုခြင်း၊ ဆီလျော်အောင်ရေးသားပြုစုခြင်း။
  • သတင်းနှင့်သတင်းဆောင်းပါး အစီအစဉ်အမျိုးမျိုးကို တိုက်ရိုက်ထုတ်လွှင့် (သို့မဟုတ်) ကြိုတင်အသံသွင်းယူ ရာတွင် ကျွမ်းကျင်ပိုင်နိုင်စွာ ဖတ်ကြားခြင်း။
  • သတင်းဖြစ်ရပ်များနှင့် အခြားထူးခြားဖြစ်ရပ်များကို တာဝန်ပေးထားသည့်အတိုင်း အသံဖမ်းခြင်းနှင့် သတင်းရေးသားခြင်း။
  • တွေ့ဆုံမေးမြန်းခန်းများ ပြုလုပ်ပြီး စိတ်ဝင်စားစရာ၊ သိကောင်းစရာ တွေ့ဆုံမေးမြန်းခန်း အစီအစဉ် ဖြစ်အောင် တည်းဖြတ်ခြင်း။
  • စတူဒီယိုမှ တိုက်ရိုက်ထုတ်လွှင့်ချက် အစီအစဉ်များ ထုတ်လုပ်ခြင်း၊ ထုတ်လွှင့်မည့် သတင်းနှင့် သတင်းဆောင်းပါး အစီအစဉ်များကို ပြင်ဆင်ရေးအတွက် ထုတ်လုပ်ရေးတာဝန်အမျိုးမျိုး ဆောင်ရွက်ခြင်း။
  • အသံလွှင့် အစီအစဉ်များအတွက် သတင်းပေးပို့ချက်များကို တာဝန်ပေးထားသည့်အတိုင်း ရှင်းလင်းတိကျစွာ ကျစ်လစ်ပြည့်စုံစွာ ကိုယ်တိုင်လေ့လာ၍ ရေးသားခြင်း။
  • မြန်မာပိုင်းအစီအစဉ်တွင် ပါဝင်သည့် အကြောင်းအရာများ ပိုမိုကောင်းမွန်စေရေးအတွက် ပြည်တွင်းပြည်ပရှိ မြန်မာ့ရေးရာကျွမ်းကျင်သူများ၊ သတင်းရင်းမြစ်များ စုဆောင်းရှာဖွေခြင်းနှင့် ဆက်သွယ်ခြင်း။

အရည်အချင်းများ

  • မာလ်တီမီဒီယာသတင်းစာပညာ အတွေ့အကြုံရှိရမည်။
  • မြန်မာနိုင်ငံ၏ နိုင်ငံရေး၊ စီးပွားရေးနှင့် ယဉ်ကျေးမှုရေးရာများကို ခြေခြေမြစ်မြစ် သိရှိနားလည်ရမည်။
  • ပညာရေးဆိုင်ရာ အထောက်အထားများ (အသိအမှတ်ပြုကောလိပ် သို့မဟုတ် တက္ကသိုလ်တစ်ခုခုမှ သတင်းစာပညာဘွဲ့ သို့မဟုတ် သက်ဆိုင်ရာနယ်ပယ်မှ ဘွဲ့၊ သို့မဟုတ် အလားတူ ကျွမ်းကျင်မှု အရည်အချင်း ရှိရမည်။)
  • အင်္ဂလိပ်-မြန်မာ နှစ်ဘာသာ အပြောနှင့်အရေး ကျွမ်းကျင်ရမည်။
  • ကျင့်ဝတ်ကိုလေးစားခြင်း၊ ဓမ္မဓိဋ္ဌာန်ကျခြင်း၊ တည်ကြည်မှုရှိခြင်း စသည့်မှတ်တမ်းများရှိပြီး မှန်ကန် ကောင်းမွန်သည့် တည်းဖြတ်မှုဆိုင်ရာ အကဲဖြတ်သုံးသပ်ချက် ချမှတ်နိုင်ရမည်။
  • ယဉ်ကျေးမှုမျိုးစုံရှိသည့် ပတ်ဝန်းကျင်တွင် အလယ်အလတ်အဆင့် စီမံခန့်ခွဲမှု အတွေ့အကြုံရှိပါက ပိုကောင်းပါသည်။

RFA သည် လုပ်ငန်းခွင်အတွင်း လူပုဂ္ဂိုလ်ခွဲခြားမှုမရှိသည့်၊ တန်းတူအခွင့်အရေးကို လက်ခံသည့် ဌာနဖြစ်ပါသည်။
သတ်မှတ်ထားသည့်အရည်အချင်း ပြည့်မီသူ အားလုံးကို ဤအလုပ်လျှောက်ရန် RFA မှ အားပေး တိုက်တွန်းပါသည်။ အလုပ်ခန့်အပ်ခံရပါက အလုပ်လျှောက်သူသည် အမေရိကန်ပြည်ထောင်စုတွင် RFA ၏ ဝန်ထမ်းတစ်ဦးအဖြစ် အလုပ်လုပ်ပိုင်ခွင့်ရှိကြောင်း အထောက်အထား ပြသရပါမည်။ RFA ဝန်ထမ်းတစ်ဦးအဖြစ် အမေရိကန်ပြည်ထောင်စုတွင် အလုပ်လုပ်ခွင့် (သို့မဟုတ်) အလုပ်လုပ်ခွင့် သက်တမ်းတိုးရေးတွင်…. တောင်းဆိုချက်တစ်ရပ် (သို့မဟုတ်) သက်ဆိုင်သည့် အထောက်အထားတစ်ခုကို RFA က လျှောက်ထားပေးရန် (သို့မဟုတ်) ထောက်ခံပေးရန် လိုအပ်ခဲ့ပါက RFA အနေဖြင့် မည်သည့် လျှောက်ထားသူကို မဆို ပေးထားသည့် အလုပ်အကိုင်ကမ်းလှမ်းချက်ကို ပြန်လည်သုံးသပ်ခြင်း (သို့မဟုတ်) ရုပ်သိမ်းခြင်းပြုပိုင်ခွင့် ရှိပါသည်။

လျှောက်ထားရန်
ပညာအရည်အချင်း၊ အလုပ်အကိုင်အတွေ့အကြုံ အကျဉ်းချုပ်ကို လျှောက်ထားစာနှင့်အတူ၊ (အကြောင်းအရာ) Subject လိုင်းတွင် (အကြီးတန်းအယ်ဒီတာ၊ မြန်မာဌာန) “Senior Editor, Burmese Service” ဟုရေးပြီး၊

rfajobs@rfa.org သို့ အီးမေးဖြင့်ပေးပို့နိုင်ပါသည်။

ကွန်မင့်များ (0)
Share
ဆိုက်တခုလုံးသို့