ဒေါင်းတို့မျိုးဆက် သံချပ်အဖွဲ့ဝင်တစ်ဦးကို ပုဒ်မ ၆၆(ဃ)နဲ့ အမှုဖွင့်

2019-05-04
အီးမေးလ်
မှတ်ချက်ပေးပါ
Share
ပုံနှိပ်ပါ
ဒေါင်းတို့မျိုးဆက်သံချပ်အဖွဲ့ဝင် ကိုငြိမ်းချမ်းစိုးကို ဗိုလ်တစ်ထောင်မြို့နယ် ရဲစခန်းမှာ တွေ့ရစဉ်
ဒေါင်းတို့မျိုးဆက်သံချပ်အဖွဲ့ဝင် ကိုငြိမ်းချမ်းစိုးကို ဗိုလ်တစ်ထောင်မြို့နယ် ရဲစခန်းမှာ တွေ့ရစဉ်
ဓါတ်ပုံ - ကိုငြိမ်းချမ်းစိုး

ဒေါင်းတို့မျိုးဆက်သံချပ်အဖွဲ့ဝင်တစ်ဦးဖြစ်တဲ့ ကိုငြိမ်းချမ်းစိုးကို ရန်ကုန်တိုင်းစစ်ဌာနချုပ်မှ ဒုဗိုလ်မှူးကြီး မျိုးမင်းဦးက ဗိုလ်တစ်ထောင်မြို့နယ် ရဲစခန်းမှာ ဆက်သွယ်ရေးဥပဒေပုဒ်မ ၆၆ (ဃ)နဲ့ မေလ ၃ ရက်နေ့ မနေ့ညက အမှုဖွင့်ခဲ့တယ်လို့ သိရပါတယ်။

ကိုငြိမ်းချမ်းစိုးရဲ့ အဖွားဖြစ်သူ နာရေးမှာ ကူညီပေးနေတဲ့အချိန် ဗိုလ်တစ်ထောင်ရဲစခန်းက ည ၁၁ နာရီလောက်မှာ လာရောက် ဖမ်းဆီးခဲ့တာဖြစ်ပြီး ဒီနေ့မနက်မှာတော့ သိန်းတစ်ရာတန် အာမခံနဲ့ အာမခံရခဲ့တယ်လို့ ကိုငြိမ်းချမ်းစိုးက ပြောပါတယ်။

သြင်္ကန်ကာလအတွင်း ဗိုလ်တစ်ထောင်မြို့နယ် ၄၆ လမ်းမှာရှိတဲ့ ဗမာသစ် ဆုပေးမဏ္ဍပ်အနီးမှာ သံချပ်ဖျော်ဖြေခဲ့တာကြောင့် အခုလို အမှုဖွင့်တာဖြစ်တယ်လို့ ကိုငြိမ်းချမ်းစိုးကပြောပါတယ်။

ကိုငြိမ်းချမ်းစိုး အပါအဝင် ဒေါင်းတို့မျိုးဆက် သံချပ်အဖွဲ့ဝင်တွေဖြစ်ကြတဲ့ ကိုဇေယျာလွင်၊ ကိုပိုင်ရဲသူ၊ ကိုပိုင်ဖြိုးမင်း၊ ကိုဇော်လင်းထွဋ်၊ မကေခိုင်ထွန်း၊ မဆုရတနာမြင့် စုစုပေါင်း ၇ ယောက်ကို ရန်ကုန်တိုင်းစစ်ဌာနချုပ်က ဒုဗိုလ်မှူးကြီး မျိုးမင်းဦးက ဗိုလ်တစ်ထောင်ရဲစခန်းမှာ ဆက်သွယ်ရေးဥပဒေပုဒ်မ ၆၆ (ဃ)နဲ့ အမှုဖွင့်ထားတာဖြစ်ပါတယ်။

ဒါ့အပြင် မဆုရတနာမြင့်နဲ့ ကိုငြိမ်းချမ်းစိုး ကလွဲပြီး ကျန်တဲ့ ၅ ယောက်ကို ရန်ကုန်တိုင်းစစ်ဌာနချုပ် ဒုတိယဗိုလ်မှူးကြီး သန်းထွန်းမြင့်က ရာဇသတ်ကြီးဥပဒေပုဒ်မ ၅၀၅ (က) နိုင်ငံတော်အကြည်ညိုပျက်စေမှု ပုဒ်မနဲ့ တရားစွဲဆိုထားတာကြောင့် ဖမ်းဆီခံထားရပြီး မရမ်းကုန်းတရားရုံးမှာ တရားရင်ဆိုင်နေရတာဖြစ်ပါတယ်။

ဒီသတင်းကို RFA သတင်းထောက် မသက်စုအောင် ပေးပို့လိုက်တာပါ။

ကွန်မင့်များ (1)
Share

အမည်မဖော်လိုသူ

ကြည်ညိုစဖွယ် ဂုဏ် မရှိလို့ စွဲဆိုမှု မမြောက်ပါ။

May 05, 2019 01:47 PM

ဆိုက်တခုလုံးသို့